Cerca su Griselda
Questo sito usa cookie di terze parti. Leggi la nostra Informativa cookies oppure chiudi questo avviso

Indice

Poeti del Centro:
Poesie
Giovanni Previdi

Ai lov iù


A sarà diés quìndas dì k’an lidghém mai, 
gnént, mai na paròla föra pòst, 
a ciacarém cmè a scöla, 
alvém infìn la man par dir quèl, 
n’edücasión e ’n rispèt, merce rara, 
e pò dòpu a fém ad ki discórs ma di discórs, 
k’i è mia di discórs, i è dli puezìi, 
a ciacarém fin, as guardém ind i ò?, 
n’amór, as vlém un bén e un bén ke kisà, 
k’l era un bèl tòc k’an as vléan un bén cumpàgn, 
k’a par da védran di mücìn, in tüti i cantón a dla ca, da stu bén ki, 
«Stèla» mi a la ciàmi Stèla «tàch-ia a parciàr intànt k’at vè in 
dòcia?» 
mi a paréci in na manéra ma in na manéra, par fàr-ac piazér, lé 
la’g tégn dimóndi, 
ke gnànca a nòsi i parécia ’tzì, a fagh infìn na barkéta cun al 
tfaiöl, 
lé la va màta par li mè barkéti cun al tfaiöl, 
«Sì Amór» lé la’m ciàma Amór «ti parécia k’a rif sübit!» 
Pò dòpu, apén’ a sénti dal bòiler k’l’a fnì, a la vag a tör, 
ag mét li man in s’i ò?, a la pòrti in cuzìna, 
a la fac sentàr a tàula e ag càvi li man ad cólp, 
e lé «Amór… Ai lov iù!» e mi «Stèla, ànca mì…», 
diés quìndas dì atzì, an rumàns! 
Ma iér sìra, diuscanà, la s’è seràda in càmara par dó óri, 
e ò santèst k’la pianzéva, sotvós. 
«Ai lov iù…» la dzéa al telèfun.




Due fettine di salame, poesie
(Quodlibet – Compagnia Extra, 2013)

Fondazione Carisbo
Alma Mater Studiorum
Dipartimento di Filologia Classica E Italianistica Alma Mater Studiorum - Università di Bologna
Via Zamboni 32 - 40126 Bologna - Cod.Fiscale: 80007013376 P.Iva: 01131710376 - © 2012
CREDITS: MEDIAVISION