Cerca su Griselda
Questo sito usa cookie di terze parti. Leggi la nostra Informativa cookies oppure chiudi questo avviso

Indice

Poeti del Nordest:
Poesie
Pier Franco Uliana

(Còssa élo al sfoi?)


Còssa élo al sfoi?, na ciarèla de nef?,
un bianch silènzhio da maciar, un logo
ndove semenar sal de sèns?, le fàje
che le sarà vizha?, e cô tut l’é sfat
còssa rèstelo?, furse al vènt che a alta
vozhe al dis gnent l’é de nof sote ’l sol
e ’l crèpa ’l càndol romài ’ncarolì
causa ’n destin pien de peso e de svodo
o ’l cavaston del cel che ’l se ne ciava
del piùri stèrp, de sta anda inmiserida,
o furse, dopo al sgatiar de la léngua
e cussìta tant fià a scaldar i pùpoi,
resta ncora ’l sfoi sote ’n pugn de stech
co i nòmi ’nscartozhadi: nte la tresca
de man al se farà fiòch de bulìfa
come de nef nte l’alpa zhènzha vènt.

da Troi de Tafarieli

Fondazione Carisbo
Alma Mater Studiorum
Dipartimento di Filologia Classica E Italianistica Alma Mater Studiorum - Università di Bologna
Via Zamboni 32 - 40126 Bologna - Cod.Fiscale: 80007013376 P.Iva: 01131710376 - © 2012
CREDITS: MEDIAVISION